ДЗЮДО
ФЕДЕРАЦИЯСЫ

Желтоқсан айының 16-19 күндері Степногор қаласында жасөспірімдер арасында қалааралық турнир өткізіледі. Оған 2002-2006 жылдар аралығында туған спортшылар қатыса алады. 16 желтоқсан күін спортшыларды тіркеу және салмақтарын өлшейтін күн. Жарыс 17 желтоқсанда сағат 10.00 басталады. Турнир барасында 26,29,32,35,38,42,46,50,55,60, 66 келі және 66 келіден жоғары салмақтағы спортшылар бақ сынайтын болады.

2016 жылдың 28-30 қаңтары аралығында Жапонияның астанасы Токио қаласында Халықаралық дзюдо федерациясының ұйымдастыруымен бапкерлер мен жаттықтырушылардың біліктілігін арттыруға арналған семинар өткізіледі. Оның барысында теория жүзінде және тәжірибелік сабақтар ұйымдастырылады деп жоспарланған. Шараға Қазақстан атынан қатысатын мамандардың тізімі әзірге қарастырылу үстінде.

Талдықорған қаласында Тəуелсіздік күніне және ҚР еңбек сіңірген жаттықтырушысы Мұқанғали Бекмұханбетовты еске алуға арналған дзюдодан 1999-2000 ж.т. жасөспірімдер арасында дәстүрлі ашық республикалық турнир өткізілді. Оған еліміздің 10 облысынан жəне Қырғызстан мен Өзбекстаннан 400-ден аса спортшы қатысты. Хаттама сайттың «нәтижелер» бөлімінде.

28 қараша мен желтоқсан айының 6 күндері Шымкент қаласында бапкерлердің біліктілігін арттыруға арналған семинар өткізілді. Оған еліміздің барлық өңірлерінен дзюдо күресінің жаттықтырушылары жиналды. Шара барысында дзюдо терминологиясы мен оның еліміздегі дамуы барысы және тағы да басқа да тақырыптарда дәріс оқылып, тәжірибелік сабақтар ұйымдастырылды.

Жапонияның астанасы Токио қаласында өткізіліп жатқан «Үлкен дулыға» жарысында 100 келіге дейінгі салмақ дәрежесінде Максим Раков бесінші орынға табан тіреді. Алдымен ол мексикалық Гарсио Сергионы, мұнан соң Бразилия балуаны Корреа Лусиано жеңді. Одан кейін француздық Маре Сирильмен кездесіп, жеңіліс тапты. Алайда Максим жұбаныш белдесуге мүмкіндік алып, өзінің басты қарсыластарының бірі Моңғолияның мықты спортшысы, Олимпиада жеңімпазы Найдан Тувшинбаярды жеңді. Үшінші орынға…