ДЗЮДО
ФЕДЕРАЦИЯСЫ

Босния және Герцеговина астанасы Сараево қаласында кадеттер арасында өтіп жатқан әлем біріншілігінде 50 келі салмақ дәрежесінде Айболат Ыстыбай чемпион атанды. Ол бес кездесуінің төртеуін «иппон» ұпайымен ұтты. Ақтық кездесуінде де итальялық Бьяджо д'Анджелоға қарсы әдемі әдіс жасауы арқылы «иппон» ұпайын иеленіп, жеңіске жетті. Жарысқа әлемнің 59 елінен 500-ге тарта спортшы қатысуда. Байрақты бәсеке тамыз айының 8 жұлдызына дейін жалғасады. Нәтиже:…

«Алау» мұзайдынында дзюдо күресінен әлем біріншілігіне билеттер сатыла бастады. Сонымен қатар, билеттерді «Казтикет» компаниясының кассаларынан сатып алуға болады. Электрондық билеттер әлем біріншілігінің ресми сайтында және «Казтикет» компаниясының ресми сайтында сатылып жатыр. Асығыңыздар, билеттер саны шектеулі!

Тиісті құжатқа «Дзюдо федерацисы» республикалық қоғамдық бірлестігі мен «Қазақстан» РТРК АҚ арасында қол қойылды. Келісімге сай «Казспорт» телеарнасы әлем біріншілігін толықтай тікелей эфирде көрсетіп, оның қортытындысы бойынша деректі фильм әзірлейді. Естеріңізге салайық, әлем біріншілігі Астана қаласында 24-30 тамыз аралығында өткізіледі. Билеттерді «Казтикет» компаниясының кассаларынан немес әлем біріншілігі сайтының «билеттер» бөлімінен сатып алуға болады.

Астанада 24-30 тамыз аралығында дзюдо күресінен өткізілетін әлем біріншілігінің басталуына 25 күн қалды. Осыған байланысты бұқаралық ақпарат құралдарының өкілдерін тіркеуден өткізу тамыздың 3 аяқталатынын хабарлаймыз. Бүгінгі таңда тірукеуден өтуге 160 ақпарат құралының өкілі өтініш білдіргенін еске саламыз.

25-26 шілде аралығында Прагада жастар арасында өткен Еуропа Кубогы мәресіне жетті. Қазақ құрамасы аталмыш жарыста жоғары көрсеткішке жетті. Атап айтқанда, Мағжан Шамшадин, Жақсыбек Женісбек алтын алса, Дидар Тәттібай мен Жанар Қашқын күмісті місе тұтты. Ал, Қанат Сейілхан мен Бауыржан Жауынтаев қолаға қол жеткізді. 6 медаль ұтқан қазақ спортшылары Бразилия мен Украинадан кейін командалық есепте үшінші орынға тұрақтады.