Қазақстан дзюдо федерациясының президенті Паралимпиадаға қатысатын дзюдошыларға сәттілік тіледі
20:00 | 28 тамыз 2021
Құрметті Паралимпиадаға қатысушы дзюдошылар, сіздерді төртжылдықтың басты бәсекесі – Паралимпиада ойындарының басталуымен шын жүректен құттықтаймын!
Паралимпиадаға дейінгі сіздер бағындырған белес, сіздер жүріп өткен жол – бізге үлгі. Табандылық, жанкештілік және қайсарлық әрқайсысыңыздың бойыңыздан табылатын туабіткен қасиет.
Токио татамиі олимпиадашы-дзюдошыларымызға қола сыйлады. Осы орайда, Сіздер жеңісті жолды жалғастырып, Қазақ елін қуанышқа бөлейсіздер деп сенемін.
Кіл мықтылар арасынан іркілмей іріктеліп шыққан 6 парадзюдошы, сіздер – бүгінгінің батырысыздар! Сіздерге тек жеңіс тілеймін!
Қазақстан Республикасы
Дзюдо федерациясының Президенті
Қ. ҚОЖАМЖАРОВ
0 пікірлер