Моңғолия дзюдо федерациясы қазақстандық спортшыларды Наурыз мерекесімен құттықтады
Моңғолия астанасы Ұлан Баатор қаласында қыздардан Қазақстан Ұлттық құрамасының қатысуымен халықаралық оқу-жаттығу жиыны өтіп жатыр. Оқу-жаттығу жиыны наурыздың 18-і мен 25-і аралығы болады. Моңғолияда біліктілігін шыңдап жүрген 19 дзюдошы қыздарымызды бүгін Моңғолия дзюдо федерациясы Наурыз мерекесімен құттықтап, салтанатты дастархан жайды. Моңғолия тарапынан көрсетілген мұндай ерекше ықыласқа қыздарымыз өз ризашылығын білдіріп, құраманы бастап барған Энхбаатар Дашжамц пен Марат Данайбаев алғысын айтты.
- Ел ішінен бөлек, халықаралық дәрежедегі оқу-жаттығу жиындары спортшылардың біліктілігін арттырып, шетелдік спортшылармен тәжірибе алмасады. Бұл оларды физикалық және тактикалық тұрғыда мықтылай түседі- дейді қыздардан Қазақстан Ұлттық құрамасының бапкері Марат Данайбаев.
Сондай-ақ, Гүлжан Исанова «халықаралық дәрежедегі оқу-жаттығу жиындарына қазақстандық спортшылардың қатыстырылуы федерация тарапынан атқарылып жатқан жұмыстың жемісі. Шетел спортшыларымен тәжірибе алмассақ, үлкен турнирларда көмегін тигізбей қоймайды» дейді федерация басшылығына алғысын білдіріп.
Естеріңізге сала кетсек, Ұлттық құрама осы оқу-жаттығу жиынынан кейін Тблисиде өтетін Гран При турниріне қатысады.
0 пікірлер