ДЗЮДО
ФЕДЕРАЦИЯСЫ

Дзюдодан Қазақстан ұлттық құрама командалары бүгінде Азия чемпионатына қызу дайындалуда. Құрлықтық бәсеке қарсаңында ұлттық құрамаға франциялық мамандар қосылды. Ксавье Монденкс менСтефан Трайно тек қана ересектер құрамасымен емес, жасөспірім және жастар командаларымен де арнайы бағдарлама аясында бірге жұмыс істейтін болады.

«Қазіргі таңда дзюдо Францияда өте қатты дамыған, нөмірі бірінші спорт болып табылады.. 2022 жылды қоса алғанда, франциялық дзюдошылар Олимпиада, әлем чемпионаттары мен әлемдік жарыстар нәтижесі бойынша Жапонияны басып озып, бірінші орында тұр. Былтырғы Токиода өткен Олимпиада ойындарында Франция құрамасы Жапонияны финалда ірі есеппен (4:1) жеңіп, аралас командалық есепте Олимпиада чемпиондары атанды.

Қазақстанға келген қос маман осы уақытқа дейін дзюдодан Франция құрамасында жаттықтырушы қызметтерін атқарған. Біреуі спортшылардың физикалық дайындығына жауапты болса, екіншісі жалпы құраманың жүйелі жұмыс істеуіне, құраманың стратегиясына жауапты маман ретінде қызмет атқарған.

Бұған дейін қос маман Алматыда жастар құрамасының оқу-жаттығу жиындарына қатысып, жастармен, олардың күресімен танысты. Қазіргі таңда ерлер және әйелдер құрамасымен бірге Ақмола облысында оқу-жаттығу жиындарына қатысып, ұлттық құрама спортшыларымен жіті танысуда.

Дзюдошылар үшін осы олимпиадалық кезеңге арнайы бағдарлама дайындалған. Ксавье Монденкс менСтефан Трайно әр спортшымен жеке танысып, бекітілен бағдарлама аясында құраманың бас бапкерлерімен бірге спортшылармен жұмыс істейді.

Құрамаға шетелдік мамандарды шақыру әлемдік тәжірибеде бар дүние. Біздің бүгінгі серіктестігіміз Қазақстан дзюдосы үшін оң нәтиже береді деп сенеміз», - дейді Қазақстан дзюдо федерациясының президенті міндетін атқарушы Асхат Жіткеев.

Қосымша ақпарат:

Стефан Трайно - дзюдодан 1991 жылы өткен әлем чемпионатының жеңімпазы, Еуропаның жеті дүркін чемпионы.Стефан Трейно 1991 жылы дзюдодан 95 келіге дейінгі салмақта әлем чемпионы, Еуропаның жеті дүркін чемпионы. Ол төрт Олимпиада ойындарына қатысып, 2000 жылы Сидней Олимпиадасында екінші қола медаліне ие болғананн кейін дзюдошы ретінде мансабын аяқтады.

бронзовую медаль на Олимпийских играх в Сиднее. 2021 жылға дейін Франция дзюдо федерациясы Франция дзюдо құрамасының бас директоры, Франция құрамасының бас бапкері сынды қызметтерді атқарған.

Ксавье Монденкс – 2017/2021 жылдары дзюдодан Франция құрамасының физикалық дайындық бойынша олимпиадалық жаттықтырушысы, 2017/2021 жылдары дзюдодан Франция ерлер құрамасының физикалық дайындық бойынша жаттықтырушысы, 2004/2012 жылдары Франция ұлттық жастар орталығында дзюдодан ерлер және әйелдер құрамасының жаттықтырушысы қызметтерін атқарған. Ксавье Монденкс Қазақстан жасөспірімдер, жастар, ерлер және әйелдер құрамаларының физикалық дайындықтары бойынша жұмыс істейтін болады.