Дидар Хамза - Əлем чемпионатының қола жүлдегері
Хорватия астанасы Загребте дзюдодан жастар арасында өтіп жатқан əлем чемпионатының екінші күнінде қазақстандық дзюдошы Дидар Хамза қола медальға ие болды.
73 келіге дейінгі салмақ дəрежесінде белдескен балуанымыз алғашқы айналымда румыниялық Лазло Дэвидті, екінші айналымда Сардор Каримовты жеңіп, үшінші айналымда тəжікстандық Эрадж Абдуллаевты вазари ұпайымен жеңді. Ширек финалда Əзірбайжан дзюдошысы Зидаят Хейдаровқа есе жіберіп, жұбаныш белдесуге мүмкіндік алды. Жұбаныш белдесуінде молдавиялық Лон Накуды ұтып, қола медаль үшін Геворг Манукянды голден скорда əдіс жасап, таза жеңіске қол жеткізді.
Естеріңізге сала кетсек, Загребте жастар арасындағы Əлем чемпионаты өтіп жатыр. Жарыстың екінші күнінің қорытындысы бойынша Қазақстан құрамасында 1 күміс, 2 қола медальмен 6-орында тұр.
0 пікірлер