ГҮЛЖАН ИСАНОВА - ГРАН ПРИ ТУРНИРІНІҢ КҮМІС ЖҮЛДЕГЕРІ
Бүгін Өзбекстан астанасы Ташкентте дзюдодан Гран При турнирі өз мəресіне жетті. Əлемнің 27 елінен 200-ге жуық дзюдошы қатысқан дүбірлі додада Қазақстан құрамасы 1 алтын, 1 күміс жəне 2 қола медальмен жарысты медаль саны бойынша 5 орынмен аяқтады.
Жарыстың соңғы күнінде +78 келі салмақ дəрежесінде татамиге шыққан Гүлжан Исанова ел намысын абыроймен қорғады. Отандасымыз ширек финалда өзбекстандық Нодира Жуманиязованы, жартылай финалда Рахима Ёлдашованы иппонмен жеңіп, финалға жолдама алған болатын. Өкінішке қарай, финалда словениялық Анамари Веленсекке есе жіберді.
Естеріңізге сала кетсек, Ташкенттегі Гран При турнирінде Жансай Смағұллв (73 кг) - алтын, Абылайхан Шаратов (60 кг) жəне Севара Нышанбаева (57 кг) қола медаль алған болатын.
0 пікірлер