Grand Prix Dusseldorf 2017. Екінші күн нәтижесі
18:44 | 25 ақпан 2017
Дюссельдорфта өтіп жатқан Гран При турнирінің екінші күнінде қазақстандық дзюдошылар жүлдеге іліне алмады. Бүгін дзюдошылар -73 кг, - 81 кг, -63 кг, -70 кг салмақ дәрежесінде белдесті.
73 келіде татамиге шыққан Жансай Смағұлов алғашқы айналымда румыниялық Серсиа Марсельді ұтқанымен, екінші айналымда грузин дзюдошысы Лаша Шавдатуашвилиге есе жіберіп, жарыстан шықты.
81 келіде сынға түскен Қажымұқан Өтеулиев пен Азиз Қалқаманұлының да бүгін жолы болмады. Өтеулиев алғашқы кездесуінде-ақ моңғолиялық Баянмунх Гаажадамбаға вазари ұпайымен жеңілсе, Қалқаманұлы голден скорда үшінші шидосын алып, екеуара кездесу АҚШ спортшысы Хаттон Джэктің еншісіне шешілді.
63 келіде Мариан Урдабаева жарысты сәтті бастаған болатын. Бірінші белдесуінде швециялық Эрикссон Иданы иппонмен жеңіп, екінші айналымда, өкінішке қарай, жапон қызы Набекура Намиге төтеп бере алмады.
70 келіде Жанар Қашқын мен Ділбар Өмірәлиева да бірінші белдесуден ары аспады. Қашқын швециялық Бернхолм Аннаға, Өмірәлиева неміс қызы Буткереит Мириамға иппонмен жеңілді.
Әлемдік Гран При турнирінің үшінші күнінде дзюдошылар 5 салмақ бойынша белдесетін болады.
Ерлер: - 90 кг, - 100 кг, + 100 кг; Әйелдер: -78 кг, + 78кг;
Жарыстың үшінші күнінде 5 дзюдошы ел намысын қорғайды. Олар: Діулетхан Жақыпов (90 кг), Айбек Серікбаев (-100 кг), Еламан Ерғалиев (+100 кг), Ержан Шынкеев (+100 кг), Альбина Амангелдиева (-78 кг) және Гүлжан Исанова (+78 кг).
Естеріңізге сала кетсек, Гран При турнирі ақпанның 24-інен 26-сына дейін жалғасады. Аталмыш додаға 50 елден 346 дзюдошы қатысып жатыр.
0 пікірлер